سکھر میں دیہی علاقے کے مکینوں نے مبینہ طور پر سرکاری اسکول کی بندش کے خلاف احتجاج کرتے ہوئے محکمہ تعلیم کے حکام سے فوری طور پر اسکول کھلوانے اور تدریسی عمل بحال کرنے کا مطالبہ کیا ہے

اس سلسلے میں ضلع خیرپور کے تعلقہ کنگری کے گاو¿ں میانو کوسو کا سرکاری پرائمری اسکول واحد استاد کی ریٹائرمنٹ کے بعد طویل عرصے سے بند پڑا ہے، جس کے باعث گاو¿ں کے متعدد معصوم بچے تعلیم سے محروم ہو گئے ہیں اور ان کا مستقبل شدید خطرے سے دوچار ہےاس صورتحال کے خلاف احتجاج میں شامل مظاہرین مظہر علی کوسو، نثار احمد کوسو، ڈاکٹر طالب حسین کوسو، خادم حسین کوسو اور دیگر کا کہنا تھا کہ اسکول کی بندش سے بچوں کی تعلیم مکمل طور پر متاثر ہو رہی ہے۔ مظاہرین نے بتایا کہ اس سنگین مسئلے کے حل کے لیے متعدد بار ڈسٹرکٹ ایجوکیشن آفیسر (پرائمری) خیرپور کو درخواستیں دی گئیں، تاہم پسماندہ علاقہ ہونے کے باوجود ان کی شکایات پر کوئی توجہ نہیں دی گئی۔مظاہرین نے مطالبہ کیا کہ فوری طور پر اسکول میں نیا استاد مقرر کیا جائے تاکہ تعلیمی سرگرمیاں دوبارہ شروع ہو سکیں اور بچوں کا تعلیمی مستقبل محفوظ بنایا جا سکے۔ اس موقع پر مظاہرین نے یہ الزام بھی عائد کیا کہ ریٹائرڈ استاد اسکول کا سامان، دروازے اور کھڑکیاں اتار کر لے گیا ہے، جس پر فوری انکوائری کر کے سامان واپس کرایا جائے اور ذمہ داروں کے خلاف قانونی کارروائی عمل میں لائی جائے۔