لاہور: پاکستان سپر لیگ (پی ایس ایل) سیزن 11 کے پہلے ایلیمینیٹر میں حیدرآباد کنگز مین نے ملتان سلطانز کے خلاف ٹاس جیت کر پہلے فیلڈنگ کا فیصلہ کیا ہے۔
قذافی اسٹیڈیم لاہور میں کھیلے جارہے اس اہم میچ میں حیدرآباد کنگز مین کے کپتان نے ٹاس جیتنے کے بعد ملتان سلطانز کو پہلے بیٹنگ کی دعوت دی۔ ٹیم مینجمنٹ نے اس میچ کیلئے اپنی پلیئنگ الیون میں کوئی تبدیلی نہیں کی۔
یہ ایک ناک آؤٹ مقابلہ ہے، جس میں شکست کھانے والی ٹیم ایونٹ سے باہر ہو جائے گی، جبکہ کامیاب ٹیم جمعہ کے روز اسلام آباد یونائیٹڈ کے خلاف ایلیمینیٹر 2 میں مدِمقابل آئے گی۔
واضح رہے کہ پشاور زلمی پہلے ہی کوالیفائر میں اسلام آباد یونائیٹڈ کو شکست دے کر فائنل کیلئے کوالیفائی کر چکی ہے، جس کے بعد ایلیمینیٹر میچز کی اہمیت مزید بڑھ گئی ہے۔
