سکھر کے علاقے نیو گوٹھ مکی شاہ ٹاﺅن کی یوسی 9 کے مکینوں کی بڑی تعداد نے یوسی چیئرمین اور یوسی دفتر کے عملے کی مبینہ زیادتیوں ، کرپشن ، علاقہ میں ترقیاتی کام نہ کرانے سمیت شکایات کندہ پر جھوٹے مقدمات درج کرانے کے خلاف وارڈتین کے کونسلر جنید لاڈلہ ، علاقہ معززین مبین بندھانی ،محمد حارث و دیگر کی قیادت میں احتجاجی مظاہرہ کیا اور نعریبازی کی

سکھر(بیورورپورٹ)سکھر کے علاقے نیو گوٹھ مکی شاہ ٹاﺅن کی یوسی 9 کے مکینوں کی بڑی تعداد نے یوسی چیئرمین اور یوسی دفتر کے عملے کی مبینہ زیادتیوں ، کرپشن ، علاقہ میں ترقیاتی کام نہ کرانے سمیت شکایات کندہ پر جھوٹے مقدمات درج کرانے کے خلاف وارڈتین کے کونسلر جنید لاڈلہ ، علاقہ معززین مبین بندھانی ،محمد حارث و دیگر کی قیادت میں احتجاجی مظاہرہ کیا اور نعریبازی کی ، علاقہ مکینوں نے ہاتھوں میں یوسی چیئرمین کے خلاف تحریری مذمتی پلے کارڈ اٹھے رکھے تھے ، اس موقع پر علاقہ مکینوں کا کہنا تھا کہ یوسی 9کے چیئرمین ذاکر بندھانی نے یوسی فنڈز میں کرپشن جاری رکھی ہوئی ہے علاقوں میں ترقیاتی کام تو درکنار صفائی ستھرائی کے انتظامات بھی ناقص ہو چکے ہیں ، یوسی گندگی کا ڈھیر بن چکی ہے ،وارڈ میں ترقیاتی کام نہیں کرائے جارہے ہیں اورعلاقہ مکین کے نوجوانوں پر بھی قانونی چارہ چوئی کر کے انہیں خاموش کرانے کی ناکام کوشش کر چکے ہیں مظاہرین نے بتایا کہ کونسلر جنید لاڈلہ بندھانی نے جب وارڈ میں ترقیاتی کام نہ کرانے پر ان سے شکایات کی تو یوسی چیئرمین نے ان کے خلاف دو تھانوں پر مختلف ایف آئی آر درج کرائی ہے جو سراسر ظلم ہے انہوں نے بتایا کہ یوسی چیئرمین علاقہ مکینوں کی نشاندہی کے باوجود کوئی کام نہیں کرتا ہے اور شکایات پر علاقہ معززین اور نوجوانوں کو سنگین نتائج کی دھمکیاں دیتا ہے انتہائی افسوس کیساتھ کہنا پڑتا ہے کہ یوسی چیئرمین نے اپنی یوسی میں اجارہ گیری قائم کر رکھی ہے جو علاقہ مکینوں کیساتھ سراسر زیادتی و ظلم ہے یوسی 9 نواں گوٹھ کے مختلف علاقوں میں نکاسی آب کا نظام انتہائی خراب صورتحال اختیار کرتا جارہاہے مختلف علاقوں میں نالیوں اور گٹروں کی صفائی نہ ہونے کی وجہ گندہ ہانی سڑکوں اور گلیوں ہر جمع ہے شکایات کے باوجود انتظامیہ اس ہر توجہ دینے کو تیار نہیں ہے مظاہرین نے چیف جسٹس آف پاکستان ، وزیر اعظم پاکستان ، وزیر اعلیٰ سندھ ، وزیر بلدیات ، سیکریٹری بلدیات ، کمشنر سکھر ، ڈپٹی کمشنر سکھر ، مئیر سکھر سمیت دیگر بالا حکام سے یوسی چیئرمین کی زیادتیوں کا نوٹس لیکر علاقہ مکینوں کو بنیادی و بلدیاتی سہولیات فراہمی سمیت یوسی چیئرمین کی جانب سے درج کرائے جھوٹے کیس ختم کرانے کا مطالبہ کیا ہے ۔