پاڪستان–ايران ٽرانزٽ ڪوريڊور جو باضابطه طور تي آغاز ٿي ويو آهي، ۽ ڪراچي کان پهرين برآمدي کھیپ تاشقند لاءِ رواني ڪئي وئي آهي.
پاڪستان ڪسٽمز جي بيان موجب پاڪستان کان پهرين برآمدي کھیپ ۾ منجمد گوشت شامل آهي، جنهن کي خاص ريفريجريٽڊ ٽرڪن ذريعي ڪراچي کان ايران جي رستي ازبڪستان جي گادي واري شهر تاشقند موڪليو ويو آهي.
برآمدي سامان گوادر جي علائقي گبد کان ايران جي علائقي رمدان بارڊر تائين پهچايو ويو، جتان اهو اڳتي وچ ايشيائي ملڪن ڏانهن منتقل ٿيندو.
ترجمان موجب پاڪستان کان ايران جي رستي وچ ايشيا تائين هڪ نئون زميني تجارتي رستو قائم ٿي ويو آهي. هي ڪوريڊور TIR (Transports Internationaux Routiers) نظام تحت قائم ڪيو ويو آهي، جيڪو ايران ۽ وچ ايشيائي ملڪن تائين برآمدات لاءِ هڪ متبادل ۽ وڌيڪ مؤثر زميني رستو فراهم ڪندو.
ترجمان وڌيڪ چيو ته هن منصوبي سان واپاري سرگرمين ۾ اضافو ٿيندو، ترسيل جو وقت گهٽ ٿيندو ۽ ملڪ جي صنعت ۽ واپار لاءِ نوان موقعا پيدا ٿيندا۔
