سکھر آئی بی اے یونیورسٹی میں چھٹی بین الاقوامی بزنس اکنامکس اینڈ مینجمنٹ کانفرنس کا آغاز نواب حسن علی خان کا خصوصی خطاب صنعت میں مصنوعی ذہانت کے فروغ پر جامع وژن پیش

سکھر آئی بی اے یونیورسٹی میں منعقد ہونے والی چھٹی بین الاقوامی بزنس اکنامکس اینڈ مینجمنٹ کانفرنس(ICBEM-26) کے دوران پرنس نواب حسن علی خان مینجنگ ڈائریکٹر کنٹیننٹل بسکٹ لمٹڈ نے خصوصی خطاب کرتے ہوئے کہا کہ مصنوعی ذہانت مستقبل کی صنعت، بزنس اور زراعت کی سمت متعین کر رہی ہے اور اب ترقی کا انحصار جدید ٹیکنالوجی کے مؤثر اور ذمہ دارانہ استعمال پر ہے، انہوں نے زور دیا کہ اکیڈمیا اور صنعت کے درمیان مضبوط اشتراک کے بغیر پائیدار معاشی ترقی ممکن نہیں، نواب حسن علی خان نے سکھر آئی بی اے یونیورسٹی کے ساتھ مل کر مصنوعی ذہانت کے مراکزِ امتیاز قائم کرنے کی تجویز پیش کرتے ہوئے کہا کہ ایسے اقدامات نوجوانوں کو جدید مہارتوں سے آراستہ کریں گےتحقیق اور جدت کو فروغ دیں گے اور پاکستان کو عالمی منڈی میں مسابقت کے قابل بنائیں گے، جبکہ کانفرنس کے ذریعے پائیدار بزنس جدت اور ٹیکنالوجی پر مبنی معیشت کے فروغ کے عزم کا بھی اعادہ کیا گیا۔