روہڑی: سینیئر تاجروں کی آل روہڑی تاجر برادر اتحاد میں شمولیت کا وعدہ

سکھر روہڑی کی تاجر برادری میں اتحاد اور یکجہتی کی نئی لہر دیکھنے میں آ رہی ہے۔ آل روھڑی تاجر برادر اتحاد کے دفتر میں سینیئر اور معزز تاجروں کی آمد اور ان کی جانب سے اتحاد پر مکمل اعتماد کا اظہار، مقامی تجارت کے لیے ایک مثبت پیش رفت ہے۔سینیئر تاجر دولت شاہ صاحب اور نثار احمد خلجی صاحب نے آل روھڑی تاجر برادر اتحاد کے دفتر کا دورہ کیا اور صدر اتحاد حاجی محمد ندیم شیخ صاحب سے ملاقات کی۔ ملاقات کے دوران انہوں نے اتحاد کی کاوشوں کی تعریف کی اور آل روھڑی تاجر برادر اتحاد پر مکمل اعتماد کا اظہار کرتے ہوئے باضابطہ شمولیت کا وعدہ کیا۔اس موقع پر صدر حاجی محمد ندیم شیخ صاحب نے دونوں معزز تاجروں کا پرتپاک خیرمقدم کیا اور انہیں خوش آمدید کہا۔انہوں نے یقین دلایا کہ اتحاد ہمیشہ ان کے ساتھ کھڑا رہے گا اور تاجر برادری کے حقوق کے تحفظ کے لیے مشترکہ جدوجہد جاری رکھی جائے گی۔
ملاقات کے دوران جنرل سیکرٹری غطفیل سولنگی، ایگزیکٹو سیکرٹری عبدالفتاح میمن، تاجر ایم فہیم قریشی سمیت اتحاد کے دیگر ارکان بھی موجود تھے۔ شرکاء نے تاجر برادری کے مسائل پر کھل کر تبادلہ خیال کیا اور اتحاد کو مزید مضبوط بنانے پر اتفاق کیا۔
یہ ملاقات روھڑی کی تاجر برادری کے لیے ایک اہم سنگ میل ثابت ہوگی،کیونکہ سینیئر تاجروں کی شمولیت سے اتحاد کی آواز مزید موثر اور مضبوط ہوگی۔ مقامی تاجروں کا کہنا ہے کہ ایسے اقدامات سے کاروباری ماحول بہتر ہوگا اور تاجر برادری کے مفادات کا بہتر تحفظ ممکن ہو سکے گا۔