سکھر پولیس کا فحاشی کے اڈے پر چھاپہ، تین خواتین سمیت چھ ملزمان گرفتار

سکھر ایس ایس پی سکھر اظہر خان کی ہدایات پر سکھر پولیس نے سماجی برائیوں میں ملوث افراد کے خلاف کریک ڈاؤن جاری رکھا۔ اس سلسلے میں اے ایس پی سٹی کیپٹن (ر) صہیب امین کی سربراہی میں انچارج اور 15 مددگار بمہ نفری کے ہمراہ مخفی اطلاع پر تھانہ ائیرپورٹ کی حدود میں کامیاب چھاپہ مار کارروائی کی گئی۔کارروائی کے دوران تھانہ ائیرپورٹ کی حدود ناز باء پاس (سٹی پوائنٹ) میں ایک گھر پر چھاپہ مارا گیا، جہاں فحاشی کا اڈا خفیہ طور پر چلایا جا رہا تھا۔ اس کارروائی کے نتیجے میں تین مرد اور تین خواتین سمیت مجموعی طور پر چھ ملزمان کو گرفتار کیا گیا۔گرفتار ملزمان کی تفصیل درج ذیل ہے۔مسمات ثناء شیخ، مسمات روشنا گوپانگ، مسمات زاہدہ شیخ، منٹھار گوپانگ ،محمود میرانی، زاہد انڑ، پولیس نے گرفتار ملزمان کے خلاف تھانہ ائیرپورٹ میں مقدمہ درج کرتے ہوئے کرائم نمبر 229/2025 کے تحت دفعہ 294 PPC کے تحت تفتیش کا آغاز کر دیا ہے۔ایس ایس پی سکھر اظہر خان نے اس کامیاب کارروائی کو سراہا اور کہا کہ سکھر پولیس شہر میں سماجی برائیوں کے خاتمے اور عوام کی حفاظت کے لیے ہر ممکن اقدامات جاری رکھے گی۔