سکھر سیپکو کا بجلی چوروں اور نادہندگان کے خلاف سب ڈویژن ون میں بھرپور کریک ڈاؤن متعدد کنکشن منقطع لاکھوں روپے کی ریکوری

سکھر(دانش راجپوت)سکھر الیکٹرک پاور سپلائی کمپنی (سیپکو) کے چیف ایگزیکٹو آفیسر اعجاز احمد چنہ،سپرنٹنڈنگ انجینئر (ایس ای) عبدالحق سیال اور ایکسین سکھر سٹی خلیل چانڈیو کی خصوصی ہدایت پر سب ڈویژن ون کی حدود،گھنٹہ گھر اطراف کے علاقوں اور ٹکر محلہ میں بجلی چوروں اور نادہندگان کے خلاف خصوصی کریک ڈاؤن کیا گیاآپریشن کی قیادت ایس ڈی او سب ڈویژن ون رمضان اصغر ملک نے کی جبکہ ان کے ہمراہ شجاع گھمرو،نثار احمد لاکھو،ہارون سیال،ساجد ارائیں سمیت دیگر افسران و اہلکاروں نے حصہ لیا کارروائی کے دوران سندھ رینجرز نے بھی سیکیورٹی کے فرائض انجام دیےکریک ڈاؤن کے دوران بجلی چوری اور نادہندگی میں ملوث بجلی کنکشن منقطع کیے گئے جبکہ مختلف نادہندگان سے لاکھوں روپے کی ریکوری بھی کی گئی ایس ڈی او رمضان اصغر ملک نے کہا کہ بجلی چوری اور نادہندگان کےخلاف بلاامتیاز کارروائیاں جاری رہیں گی صارفین اپنے بقایاجات بروقت ادا کریں اور بجلی کا قانونی استعمال یقینی بنائیں بصورت دیگر قانون کے مطابق سخت کارروائی عمل میں لائی جائے گی۔