واشنگٹن: امریکی صدر ڈونلڈ ٹرمپ نے کرپٹو کرنسی کے کاروبار سے ایک ارب ڈالر سے زائد آمدن حاصل کرنے کا انکشاف کیا ہے۔
امریکی صدر ڈونلڈ ٹرمپ نے اپنے ذاتی مالیاتی اثاثوں سے متعلق 200 صفحات پر مشتمل دستاویزات جاری کیں، جن کے مطابق انہوں نے کرپٹو کرنسی کے کاروبار سے ایک ارب ڈالر سے زیادہ کمائے۔
رپورٹ کے مطابق ٹرمپ نے سی آئی سی ڈیجیٹل (CIC Digital) سے بھی 636 ملین ڈالر کی آمدن حاصل کی۔
دوسری جانب ڈونلڈ ٹرمپ نے اپنے ایک بیان میں کہا کہ ری پبلکن پارٹی اپنی تاریخ میں پہلی بار مڈٹرم کنونشن منعقد کرے گی۔
انہوں نے بتایا کہ ری پبلکن پارٹی کا یہ کنونشن امریکی شہر ڈیلاس میں ہوگا، جو ان کے پسندیدہ شہروں میں سے ایک ہے۔
