دہلی ایئرپورٹ پر بروقت کارروائی، تمام مسافر محفوظ رہے
بھارت میں ایک نجی ائیرلائن کے مسافر طیارے کا دورانِ پرواز انجن فیل ہو گیا، جس کے بعد پائلٹ نے فوری طور پر ہنگامی صورتحال کو سنبھالتے ہوئے طیارے کو دہلی کے ایئرپورٹ پر بحفاظت اتار لیا۔
میڈیا رپورٹس کے مطابق انجن میں خرابی اچانک دورانِ پرواز پیش آئی، تاہم عملے کی پیشہ ورانہ مہارت کے باعث کسی بڑے حادثے سے بچاؤ ممکن ہوا۔
حکام کے مطابق ہنگامی لینڈنگ کے بعد تمام مسافروں کو بحفاظت طیارے سے نکال لیا گیا اور کسی جانی نقصان کی اطلاع نہیں ملی۔
ابتدائی اطلاعات کے مطابق واقعے کی تحقیقات شروع کر دی گئی ہیں تاکہ انجن فیل ہونے کی اصل وجہ معلوم کی جا سکے، جبکہ ائیرلائن کی جانب سے بھی واقعے کا جائزہ لیا جا رہا ہے۔
