گل پلازہ شاپنگ مال میں آگ، ایم اے جناح روڈ بند، ٹریفک پولیس متبادل راستوں پر تعینات

کراچی: ایم اے جناح روڈ پر واقع گل پلازہ شاپنگ مال میں آگ لگنے کے باعث مرکزی شاہراہ بند کر دی گئی ہے۔ فائر بریگیڈ کی ٹیمیں آگ بجھانے میں مصروف ہیں جبکہ ٹریفک پولیس کی بھاری نفری موقع پر موجود ہے۔
ٹریفک پولیس نے متبادل راستوں پر ٹریفک کو ڈائیورٹ کر دیا ہے تاکہ شہری اپنی منزل تک پہنچ سکیں اور ٹریفک کی روانی متاثر نہ ہو۔ ٹریفک پولیس سڑکوں پر موجود ہے اور شہریوں کی رہنمائی اور ٹریفک کی روانی کو برقرار رکھنے میں مصروف عمل ہے۔
شہریوں سے اپیل کی گئی ہے کہ وہ تعاون کریں، متبادل راستے استعمال کریں اور کسی بھی معلومات یا ہنگامی مدد کے لیے ٹریفک پولیس ہیلپ لائن 1915 سے رابطہ کریں۔ حکام کا کہنا ہے کہ آگ پر قابو پانے کے بعد روڈ کھولنے کا عمل فوری طور پر شروع کر دیا جائے گا۔