کرکٹ آسٹریلیاکو باکسنگ ڈے ٹیسٹ میں ہونے والے نقصان کی تفصیلات سامنے آ گئیں۔
آسٹریلوی میڈیا کے مطابق باکسنگ ڈے ٹیسٹ کے تیسرے اور چوتھے دن ٹکٹ کی مد میں 10 ملین ڈالر زکی آمدن متوقع تھی۔
آسٹریلوی میڈیا نے بتایا کہ ایم سی جی ٹیسٹ دوسرے دن ختم ہونے پر کرکٹ آسٹریلیا کو 10 ملین ڈالر نقصان کا خدشہ ہے، 90 ہزار سے زائد شائقین کو تیسرے روز کی ٹکٹس ری فنڈ کی جائیں گی جبکہ متعدد شائقین نے چوتھے روز کےلیے بھی ٹکٹس خرید رکھے تھے۔
آسٹریلوی میڈیا نے یہ بھی بتایا کہ ٹکٹ خریدنے والے شائقین کو خودکارطریقے کے تحت ٹکس کے پیسے واپس ملیں گے۔
آسٹریلوی میڈیا کے مطابق باکسنگ ڈے ٹیسٹ میں تیسرے روز 90 ہزار شائقین کی آمد متوقع تھی۔
یاد رہے کہ پرتھ ٹیسٹ دو دن میں ختم ہو جانے کی وجہ سے میزبان بورڈ کو 4 ملین ڈالر کا نقصان ہوا تھا۔
اسی طرح ایم سی جی ٹیسٹ کے دوسرے روز انگلینڈ نے 4 وکٹ سے کامیابی حاصل کی، ایم سی جی ٹیسٹ کے پہلے روز شائقین کا ریکارڈ قائم ہوا اور 94 ہزا 199 افراد نے پہلے دن میچ دیکھا جبکہ ایم سی جی ٹیسٹ کے دوسرے روز 92 ہزار 45 افراد نے اسٹیڈیم میں میچ دیکھا۔
