مانسہرہ: ناران میں سیر و تفریح کے لیے آنے والے چار دوست دریائے کنہار میں ویڈیو بنانے کی کوشش کے دوران مشکل میں پھنس گئے، تاہم ریسکیو ٹیم نے بروقت کارروائی کرتے ہوئے انہیں بحفاظت بچا لیا۔
پولیس کے مطابق دوست ویڈیو بنانے کی غرض سے اپنی گاڑی دریا سے گزارنے کی کوشش کر رہے تھے کہ اسی دوران پانی کے تیز بہاؤ نے گاڑی کو اپنی لپیٹ میں لے لیا اور وہ بہہ گئی۔
پولیس کا کہنا ہے کہ اطلاع ملتے ہی ریسکیو ٹیم موقع پر پہنچ گئی اور فوری کارروائی کرتے ہوئے چاروں دوستوں کو بحفاظت نکال لیا۔
ڈی ایس پی صداقت خان کے مطابق دریا میں بہہ جانے والی گاڑی کو نکالنے کے لیے کارروائی جاری ہے۔
