سکھر، 29 جون 2026: ایس ایس پی سکھر کی ہدایات اور اے ایس پی سٹی کیپٹن (ر) محمد صہیب امین کی نگرانی میں سٹی پولیس نے سماجی برائیوں میں ملوث عناصر کے خلاف مختلف مقامات پر کامیاب کارروائیاں کرتے ہوئے 4 ملزمان کو گرفتار کر لیا۔ کارروائیوں کے دوران بھاری مقدار میں گٹکا، ماوا، شراب کی بوتلیں اور آکڑا پرچی کا سامان برآمد کر کے مقدمات درج کر لیے گئے۔
اے سیکشن پولیس کی کارروائیاں
تھانہ اے سیکشن پولیس نے خفیہ اطلاع پر جوا کے اڈے پر چھاپہ مار کر ملزم ضامن علی خروس کو گرفتار کر لیا۔ پولیس نے ملزم کے قبضے سے آکڑا پرچی باکس، جوا کی مختلف گیمز، موبائل فون اور نقد رقم برآمد کر لی۔
ملزم کے خلاف ایف آئی آر نمبر 197/2026 زیر دفعات 294-A، 294-B تعزیرات پاکستان اور گیمبلنگ ایکٹ کی دفعہ 5 کے تحت مقدمہ درج کر لیا گیا۔
ایک اور کارروائی میں پولیس نے منشیات سپلائر محمد ارمان شیخ کو گرفتار کرکے اس کے قبضے سے 50 سے زائد گٹکا اور ماوا کی پڑیاں برآمد کر لیں۔
ملزم کے خلاف ایف آئی آر نمبر 198/2026 زیر دفعہ 8 سندھ پروہیبیشن آف مینوفیکچرنگ اینڈ سیل آف گٹکا ایکٹ (SPSMMG Act) کے تحت مقدمہ درج کیا گیا۔
سی سیکشن پولیس کی کارروائیاں
تھانہ سی سیکشن پولیس نے بھی مختلف مقامات پر کارروائیاں کرتے ہوئے دو ملزمان کو گرفتار کر لیا۔
پولیس نے ملزم احمد رضا راجپوت کے قبضے سے 5 بوتلیں شراب برآمد کر کے اس کے خلاف ایف آئی آر نمبر 218/2026 زیر دفعات 3 اور 4 سندھ پروہیبیشن (PEHO) ایکٹ کے تحت مقدمہ درج کیا۔
دوسری کارروائی میں ملزم محمد نصرت شیخ کے قبضے سے 80 عدد گٹکا اور ماوا کی پڑیاں برآمد کی گئیں، جس پر اس کے خلاف ایف آئی آر نمبر 219/2026 زیر دفعہ 8 SPSMMG Act کے تحت مقدمہ درج کر لیا گیا۔
سکھر پولیس کے مطابق گرفتار ملزمان کے خلاف مزید قانونی کارروائی جاری ہے، جبکہ شہر میں سماجی برائیوں، منشیات فروشی، جوا اور دیگر غیر قانونی سرگرمیوں میں ملوث عناصر کے خلاف کریک ڈاؤن آئندہ بھی جاری رکھا جائے گا۔
ترجمان سکھر پولیس
