بھارت کی خلائی ایجنسی نے اپنی سب سے بھاری سیٹلائٹ لانچ کر دی۔
انڈین اسپیس ریسرچ آرگنائزیشن (اسرو) نے اپنے بیان میں کہا کہ یہ ہندوستانی سرزمین سے لانچ کیا جانے والا سب سے بھاری پے لوڈ ہے۔
LVM3-M6 راکٹ نے امریکی ساختہ AST SpaceMobile کمیونیکیشن سیٹلائٹ کو زمین کے لو ارتھ آربٹ (low) میں چھوڑا۔
یہ لانچ بھارت کے کم لاگت والے خلائی پروگرام کو فروغ دیتا ہے، جس میں آنے والے سالوں میں بغیر کریو کے مداری مشن اور انسانی خلائی پرواز کے منصوبے شامل ہیں۔
اگر اس سیٹلائٹ کے وزن کے حوالے سے بات کی جائے تو اس کا وزن 6 ہزار 100 کلوگرام (13448 پاؤنڈ) ہے۔
بھارت تیزی سے بڑھتے ہوئے تجارتی سیٹلائٹ کاروبار کے ایک بڑے حصے کے لیے کوشاں ہے کیونکہ فون، انٹرنیٹ اور دیگر کمپنیاں وسیع اور اعلیٰ درجے کی مواصلات کی تلاش میں ہیں۔
اس کے علاوہ بھارت کا کہنا ہے کہ وہ 2027 میں اپنی پہلی انسانی خلائی پرواز سے پہلے ایک بغیر کریو مداری مشن شروع کرنے کا ارادہ رکھتا ہے جبکہ بھارتی وزیراعظم نریندر مودی نے 2040 تک چاند پر خلاباز بھیجنے کے منصوبے کا بھی اعلان کیا ہے۔
واضح رہے کہ اس سے قبل اس سال کے آغاز میں اسرو نے CMS-03 مواصلاتی سیٹلائٹ لانچ کیا تھا، جس کا وزن تقریباً 4ہزار 410 کلو گرام تھا۔
