وفاقی محتسب کی جانب سے سید محمود علی شاہ کو بہترین کارکردگی کا ایوارڈ.وفاقی محتسب پاکستان نے شاندار کارکردگی پر سید محمود علی شاہ، ریجنل ہیڈ سکھر و لاڑکانہ کو بہترین کارکردگی کے ایوارڈ سے نوازا۔

تفصیلات کے مطابق اعزازی تقریب دسمبر 2025ء کو وفاقی محتسب سیکریٹریٹ کراچی میں منعقد ہوئی، جس میں عوامی شکایات کے بروقت ازالے، ادارہ جاتی بہتری اور مثالی انتظامی صلاحیتوں پر سید محمود علی شاہ کی خدمات کو سراہا گیا۔تقریب میں وفاقی محتسب کے اعلیٰ حکام، افسران اور دیگر معزز شخصیات نے شرکت کی۔ شرکاء نے سید محمود علی شاہ کی پیشہ ورانہ خدمات کو قابلِ تقلید قرار دیتے ہوئے امید ظاہر کی کہ ان کی قیادت میں سکھر اور لاڑکانہ ریجن میں عوام کو مزید مؤثر، شفاف اور معیاری سہولیات فراہم کی جاتی رہیں گی۔ایوارڈ وصول کرتے ہوئے سید محمود علی شاہ نے وفاقی محتسب کا شکریہ ادا کیا اور اس عزم کا اظہار کیا کہ وہ اپنی ذمہ داریاں آئندہ بھی مزید محنت، دیانت اور جذبۂ خدمت کے ساتھ انجام دیتے رہیں گے