سکھر پولیس کا جرائم پیشہ افراد اور اشتہاری ملزمان کے خلاف کریک ڈاؤن، چار گرفتار

سکھر ایس ایس پی سکھر اظہر خان کی ہدایات پر سکھر پولیس نے جرائم پیشہ افراد، روپوش اور اشتہاری ملزمان کے خلاف کریک ڈاؤن جاری رکھا۔ پولیس نے بجلی کی ہائی ٹرانسمیشن لائن کی چوری میں ملوث گروہ کو بے نقاب کرتے ہوئے تین ملزمان اور قتل کے مقدمے میں مطلوب ایک اشتہاری سمیت مجموعی طور پر چار ملزمان کو گرفتار کیا ہے۔تفصیلات کے مطابق ایس ایچ او تھانہ روہڑی کی قیادت میں پولیس ٹیم نے تھانہ روہڑی کی حدود میں کامیاب کارروائی کرتے ہوئے بجلی کی ہائی ٹرانسمیشن لائن کی چوری میں ملوث تین ملزمان کو گرفتار کیا۔ گرفتار ملزمان کے قبضے سے چوری شدہ تاریں اور جرم میں استعمال ہونے والے اوزار اور کٹر برآمد کیے گئے۔گرفتار ملزمان میں واجد مہتم، عیدن مہتم اور شاہنواز میرانی شامل ہیں۔ پولیس کے مطابق یہ ملزمان نہ صرف بجلی کی تاریں چوری کرنے کے الزامات میں ملوث تھے بلکہ دیگر وارداتوں میں بھی پولیس کو مطلوب تھے۔ملزمان کے خلاف درج مقدمات کی تفصیلات درج ذیل ہیں:CR.NO 359/2025 تحت دفعہ 379 PPC، تھانہ روہڑی
CR.NO 364/2025 تحت دفعہ 379 PPC، تھانہ روہڑی
CR.NO 373/2025 تحت دفعہ 379، 147، 148 PPC، تھانہ روہڑی
اس دوران پولیس نے تھانہ روہڑی کی حدود میں ایک اور کارروائی کرتے ہوئے قتل کے مقدمے میں مطلوب اشتہاری ملزم علی حسن عرف علی شیر جعفری کو بھی گرفتار کر لیا۔ یہ ملزم گناہ نمبر 29/2025، دفعہ 302، 148، 114، 149 PPC کے تحت پولیس کو مطلوب تھا۔ ملزم کے خلاف قانونی کارروائی عمل میں لائی گئی۔ایس ایس پی سکھر اظہر خان نے کامیاب کارروائی پر پولیس ٹیم کی کارکردگی کو سراہا اور انہیں شاباش کا پیغام جاری کیا۔ انہوں نے کہا کہ سکھر پولیس شہر میں امن و امان اور جرائم کے خاتمے کے لیے مسلسل اور مؤثر کارروائیاں جاری رکھے گی۔