بالی وڈ کے 58 سالہ پروڈیوسر اور اداکار ارباز خان اور ان کی اہلیہ میک اپ آرٹسٹ شورا نے اپنی نومولود بیٹی کا منفرد نام رکھ دیا۔
بھارتی میڈیا کے مطابق ارباز خان اورشورا کے ہاں 5 اکتوبر کو ممبئی کے مقامی اسپتال میں بیٹی کی پیدائش ہوئی۔
تاہم بدھ کو جوڑے نے بچی کی پیدائش کی تصدیق کرتے ہوئے اپنی بیٹی کا نام ایک مشترکہ انسٹاگرام پوسٹ کے ذریعے ظاہر کیا۔
ارباز خان اور شورا نے اپنی بیٹی کا نام ‘سپارہ خان’ رکھا ہے۔ پوسٹ کے کیپشن میں لکھا کہ “الحمدللّٰہ”۔
آج صبح ارباز خان کو اسپتال سے باہر آتے ہوئے دیکھا گیا جب وہ اپنی نومولود بیٹی کو بازوؤں میں اٹھائے ہوئے تھے۔ شورا خان کو آج ہی اسپتال سے ڈسچارج کیا گیا۔
یاد رہے کہ ارباز خان نے دسمبر 2023 میں میک اپ آرٹسٹ شورا سے شادی کی تھی اور اس شادی میں خان فیملی اور قریبی دوستوں نے شرکت کی تھی۔
ارباز خان کی یہ دوسری شادی ہے۔ پہلی شادی معروف رقاصہ ملائیکہ اروڑہ سے ہوئی تھی اور یہ شادی 20 سال بعد 2019 میں ختم ہوئی۔ دونوں کا ایک 22 سالہ بیٹا ارہان خان ہے۔
