تہران: ایرانی نائب وزیر خارجہ کاظم غریب آبادی نے بحرین میں امریکا کی قیادت میں ہونے والے علاقائی سکیورٹی اجلاس پر سخت تنقید کی ہے۔
سماجی رابطے کی ویب سائٹ پر جاری اپنے بیان میں کاظم غریب آبادی نے کہا کہ آبنائے ہرمز کا انتظام ایران کے اختیار میں ہے، نہ کہ امریکی سینٹرل کمانڈ (سینٹکام) کے۔
انہوں نے کہا کہ بحرین میں منعقد ہونے والا فوجی اجلاس خلیج فارس میں نہ تو قانونی نظام قائم کر سکتا ہے اور نہ ہی خطے کی حقیقی سکیورٹی کو یقینی بنا سکتا ہے۔
ایرانی نائب وزیر خارجہ کا کہنا تھا کہ خطے کے معاملات کا حل بیرونی فوجی مداخلت کے بجائے علاقائی ممالک کے باہمی تعاون اور مکالمے میں مضمر ہے۔
